Vil du leie og utvikle mat- og drikkeopplevingane i ein av Noregs mest spennande fjelldestinasjonar?

Myrkdalen Fjellandsby er eit av Vestlandets raskast veksande heilårsreisemål – kjent for snørike vintrar, sterke matkonsept, store arrangement og eit breitt spekter av serveringsstadar. No søkjer vi ein Operations Manager F&B som vil spele ei nøkkelrolle i vidare profesjonalisering og utvikling av destinasjonen sine mat- og drikkeopplevingar.

Dette er jobben for deg som vil skape, leie og utvikle noko som verkeleg betyr noko for gjestene – kvar dag.

Om rolla

Som Operations Manager F&B har du totalansvar for drift, kvalitet og utvikling av alle våre serveringsstadar – frå hovudrestauranten på Myrkdalen Hotel til populære barar, kafear og fjellstover. Du vil leie eit breitt spekter av dyktige fagpersonar – assisterande restaurantsjefar, kjøkkensjef, soussjef og driftsleiarar – og vere ein sentral del av leiargruppa for overnatting og servering på reisemålet.

Rolla kombinerer:

• heilskapleg og strategisk leiing
• kvalitet og konseptutvikling
• økonomi og resultatansvar
• tett samarbeid med kjøkken, drift og hotellleiing

Di oppgåve er å sikre at alle gjester får same førsteklasses oppleving – frå den vesle kaffistoppen til afterski-stemning og dei store kveldane på Myrkdalen Hotel.

Dine viktigaste ansvarsområde

• Leie og utvikle alle F&B-einingar på destinasjonen
• Personalansvar gjennom eige leiarteam
• Budsjett, nøkkeltal og økonomistyring
• Sikre kvalitet, service, HMS, IK-mat og gjesteoppleving
• Vidareutvikle konsept, struktur og driftsrutinar
• Bygge kultur, kompetanse og gode arbeidsmiljø
• Bidra strategisk i utviklinga av Myrkdalen som destinasjon

Vi ser etter ein F&B-leiar som kjenner seg igjen i dette

Erfaring

• Erfaren leiar med bakgrunn frå restaurant, hotell eller større serveringskonsept
• Har solid kompetanse på økonomi, nøkkeltal og lønsam drift
• Erfaring med å sikre kvalitet og service i hektiske miljø
• God forståing for sesongdrift og store volum

Kompetanse

• Sterk på struktur, kvalitetsoppfølging og operativ leiing
• God digital kompetanse – evne til å lære system raskt og jobbe datadriven
• Trygg menneskeleiar som byggjer kultur, kommunikasjon og engasjement
• Gode norskkunnskapar og engelskkunnskapar, både munnleg og skriftleg

Formell utdanning er ein fordel, men relevant erfaring og dokumentert resultatoppnåing er viktigare.

Hjå oss får du

• Ei nøkkelrolle med stort handlingsrom og påverknadskraft
• Moglegheit til å utvikle destinasjonen sine mat- og drikkeopplevingar
• Eit sterkt fagmiljø med engasjerte medarbeidarar
• Ein arbeidskvardag tett på natur, skiopplevingar og Vestlandets råaste fjell
• Konkurransedyktige vilkår og moglegheit for vidare karriere i Norway’s Best
• Pensjons- og forsikringsordningar gjennom Nordea Liv og Gjensidige

Arbeidsstad: Myrkdalen, Voss herad
Stilling: Fast 100 %

Norway’s best Group AS (NBG) er eit leiande norsk reiselivskonsern, med nokre av Norges mest spektakulære natur- og kulturbaserte reiseopplevingar i sin portefølje. Vår hovudaktivitet foregår i Flåm og Myrkdalen. Med fyrtårnprodukta Flåmsbana og UNESCO-området Nærøyfjorden har Flåm blitt til eit av dei mest populære reisemåla i Noreg, og i pudderparadiset Myrkdalen har vi den største skidestinasjonen på Vestlandet. I tillegg har selskapet aktivitet i Aurland, Lærdal, Geiranger og Oslo. NBG har ein omsetnad på vel 850 MNOK, meir enn 500 heilårs- og deltidstilsette og 1,7 millionar gjester. Konsernet eig Myrkdalen Fjellandsby, The Fjords og 50% av Flåmsbana. Gjennom dotterselskapet Norway’s best AS eig og driftar konsernet fire hotell, 14 restaurantar, to bakeri, i tillegg til Flåmsbanamuseet og Aurland Skofabrikk. Selskapet har også ein stor kommersiell avdeling som marknadsfører og seljer våre og andre aktørar sine produkt til gjester over heile verda. I Norway’s best Group AS verdset vi naturen, miljøet og dei lokalsamfunna vi opererer i. Ved å gjere vårt ytterste for å redusere vår miljøpåverknad og støtte opp rundt lokal verdiskaping, ynskjer vi å bidra til ei framtidsretta og berekraftig reiselivsnæring. Våre ansatte er kjernen i verksemda og vi ynskjer å skape eit inkluderande og likestilt miljø med trygge arbeidsplassar.