- ei nøkkelrolle i ein av Vestlandet sine mest spektakulære fjelldestinasjonar

For Norway's best er Myrkdalen hotel ein sentral del av Myrkdalen Fjellandsby – den største skidestinasjonen på Vestlandet og eit heilårig reisemål i vekst. No søkjer vi ein trygg, strukturert og utviklingsorientert Rooms Division manager som vil ta heilskapleg ansvar for resepsjon, kurs- og konferanse og husøkonom avdelingane.

Om stillinga

Som Rooms Division manager skal du sikre effektiv drift, høg kvalitet i gjesteopplevinga og lønnsom utvikling. Dette er ei nøkkelrolle for deg som vert trigga av å kombinere operativ leiing med strategisk utvikling - og som vil vere tett på både gjester, medarbeidarar og resultat.  

Du rapporterer til hotelldirektør og vil vere ein sentral bidragsytar i vidareutviklinga av hotellet og destinasjonen.

Dine viktigaste ansvarsområde

• Heilskapleg leiing av resepsjon, kurs & konferanse og husøkonom
• Sikre høg gjestetilfredsheit og god servicekultur
• Oppfølging av budsjett, nøkkeltal og resultat
• Bemanningsplanlegging og kompetanseutvikling
• Vidareutvikling av rutinar, standardar og arbeidsprosessar
• Samhandling med salg, revenue og øvrige avdelingar
• Aktiv oppfølging av gjestefeedback og kvalitetsmålingar

Myrkdalen er ein sesongbasert destinasjon med store variasjonar. Rett bemanning til rett tid og god planlegging er avgjerande.

Kven ser me etter

Vi ser etter ein strukturert og relasjonssterk leiar med solid erfaring frå drift av hotell eller annan relevant erfaring innan reiselivet. Du er trygg i leiarrolla og evnar å skape struktur i ein hektisk kvardag, der du kombinerer operativ handlekarft med analytisk forståing. Du bryr deg om gjengen din, er tilgjengelig og støttar dei gjennom sesongtoppar ved å forstå samanheng mellom kvalitet, bemanning og lønsemd. 

Du har:

• Minimum 3–5 års erfaring frå hotell eller reiseliv
• Erfaring frå leiarrolle med personalansvar
• God økonomiforståing og erfaring med KPI-oppfølging
• Erfaring med PMS-system og analyse/rapportering
• Norsk og engelsk, skriftleg og munnleg minimum B2 nivå

Vi vurderer både erfaring og potensial i vår rekrutteringsprosess.

Kvifor Myrkdalen og Norway's best AS?

Hjå oss får du:

• Ei sentral leiarrolle i eit konsern i vekst
• Moglegheit til å påverke kvalitet, kultur og utvikling
• Varierte og utfordrande arbeidsdagar
• Eit sterkt produkt i ein attraktiv destinasjon
• Gode utviklingsmoglegheiter i konsernet

Norway’s best Group AS (NBG) er eit leiande norsk reiselivskonsern, med nokre av Norges mest spektakulære natur- og kulturbaserte reiseopplevingar i vår portefølje. Konsernet har sitt hovudkontor i Flåm, og kontorstader i Myrkdalen, på Voss, i Bergen og Narvik. Vi har ein nasjonal ambisjon og er ein konsolidator i norsk reiseliv. NBG er i front på heilskapleg reisemålsutvikling, og har i dag ei verksemd bygd på våre heilårssatsingar i Flåm, Myrkdalen og Narvik. I over 25 år har vi posisjonert Flåm, med Flåmsbana og Nærøyfjorden, til å bli eit av Norges mest populære reisemål. I pudderparadiset Myrkdalen, med Myrkdalen Fjellandsby, har vi den største skidestinasjonen på Vestlandet. I nord eig vi Narvikfjellet i Narvik og verdens nordlegaste dyrepark Polar Park i Bardu. Selskapet har i tillegg aktivitet i Aurland, Lærdal, Geiranger og Oslo. Selskapet har ein stor kommersiell avdeling som marknadsfører og selger våre eigne og andre aktørar sine attraktive produkt til gjester over heile verda. NBG har ein omsetning på vel 850 MNOK, meir enn 500 heilårs- og deltidsansatte og 2 millionar gjester årleg. Utover vår reisemålssatsing eig NBG-konsernet også det innovative selskapet The Fjords, som tilbyr unike nullutslepps reiseopplevingar på norske fjordar, og 50% av den spektakulære Flåmsbana. NBG er ikkje berre eit reiselivskonsern, vi er også ein samfunnsbyggar som ønsker å skape positive ringverknader og attraktive lokalsamfunn der vi har vår verksemd. Vi ønsker å vere i front på bærekraftig reiselivsutvikling og bidra til ei ansvarleg og framtidsretta reiselivsnæring. Vi gjer vårt yttarste for å redusere vår miljøpåvirkning og støtte opp rundt lokal verdiskaping. Våre ansatte er kjernen i verksemda og vi ønsker å skape eit inkluderande, mangfaldig og likestilt miljø med attraktive arbeidsplassar.